ФОЛК-ПРОМОЦИЈА

„Грациите“ пеат за сите генерации

„Песни за сите генерации“ е најновиот музички проект на пејачките Адријана Алачки, Росана Сариќ Тодоровска и Бади Бекир, попознати како група „Грации“. Промоцијата на цедето е закажана за утре, а премиерно ќе биде прикажан и видеоспотот за песната „Четири Грации“, на кој настапува и Благица Павловска. На цедето се наоѓаат 15 композиции, а издавач е продуцентската куќа „Мистер Компани“ од Гостивар и може да се купи за 400 денари. Комплетен автор речиси на сите песни е познатиот хармоникаш Горан Алачки.

Обожавателите на музиката на Андријана, Росана и на Бекир ќе имаат несекојдневна можност да поразговараат со нив и да добијат автограм на цедето на средбата што ќе се одржи в сабота, од 13 до 14 часот, во продавницата на „Мистер Компани“ во Градскиот трговски центар во Скопје. Само во тој период цедето ќе може да се купи за 300 денари.

Дневник, 12.12.2006
(Д.Ј.)